طريقة خلق الانسان

........خلق الله الانسان و الحمار و الكلب في نفس اليوم و أعطى كل واحد منهم ثلاثين سنة ليعيش بالتساوي

فلما عرف الانسان راح لعند الله و قلو معقول هيك عاطيني ثلاثين سنة لعيش !؟؟
شو بدي سوي فيهن هذول ما بلحق اكبر شوي و وقف على اجريّي و اتعلم إلاّ أخذت روحي ,
ايمت بدي اشتغل و كون نفسي و اتجوز و خلّف ولاد ؟؟؟
قلو الله طيب روح و أنا رح انظر بحالك

و لما عرف الحمار راح لعند الله و قلو معقول هيك عاطيني ثلاثين سنة لعيش !؟؟
ثلاثين سنة بدي ضل عتّل و شيل عظهري مو حرام كيف بدي اتحمل هالحياة ثلاثين سنة ؟؟
قلو الله روح و أنا بنظر بحالك

و نفس الشيء الكلب راح لعند الله و قلو معقول هيك عاطيني ثلاثين سنة !؟؟
ثلاثين سنة بدي ضل مربوط و قاعد وحرس و عوّي عالفايت و الطالع و يا ريت حدى رح يسمعلي ؟؟؟
قلو روح و أنا رح أنظر بحالك

فدعى الله الانسان و الحمار و الكلب إلى اجتماع
و قال للانسان : رح آخذ عشرين سنة من الحمار و أعطيك ياهن
نبسط الانسان و فرح صاروا خمسين سنة أحسن من ثلاثين و الحمار كمان كان مبسوط و شكروه
و قال للكلب : رح آخذ منك عشرين سنة كمان و أعطيهن للانسان
نبسط الانسان و فرح صاروا سبعين سنة أحسن و أحسن و الكلب كمان كان مبسوط و شكروه


و هيك صار الانسان يعيش أول ثلاثين سنة من عمرة عيشة بني آدم ..بالحنان و الدّلال و العلم ..
أما العشرين سنة اللي بعدهن صار يعيش عيشة الحمار يركض و عتّل على ظهرو و ما يلحّق على ولادو
و يا دوب يطلعلو غير هاللقمة و شربة المي ... و لما يكبرو ولادو بيكون صار بعيشة الكلب يعوّي يعوّي و ما حدا يسمعلو


ايها الانسان ما بالك

--------------------------------------------------------------------------------

عندما خلق الله التكوين في بداية خلقه خلق الانسان
من بعده خلق سائر الحيوانات: الكلب والحمار والقرد والخنزير.......
وصار الموعد المحدد لل الاجتماع مع الخالق .
اصدر الله قراراته على خلقه ومن ضمنها :
يعيش الانسان 40 عاما وبعدها يموت
الكلب 20 عاما
الحمار 20 عاما
القرد 20 عاما
الخنزير 20 عاما
لكن وللاسف كل الحيوانات رضيت بما كتب لها الا الانسان فقد اعترض على عمره .
كونه اول المخلوقات مفضلا عند الخالق وان 40 عاما لاتكفيه وانه غير مقتنع بها .
قررت الحيوانات بعد دراسة عميقة واجتماع مغلق ومطول ان يدعموا الانسان لكن كيف .
قرروا ان يتنازل كل واحد منهم عن عشر سنوات من عمره الى الانسان
فييعيش كل واحد منهم عشر سنوات فقط (قلبهم طيب وكرماء )
واصبح بمقدور الانسان ان يعيش ثمانين عاما (بدوا يعيش كتير ليشوف كتير وينبسط قد ما فيه )
بس شو اللي صار معه هون القصة :
اول 40 سنة عاش الانسان شب مزهو بحاله واتجوز وما خلى شيء يعتب عليه الا وعمله .
في سن الخمسين اصبح يركض ويلهث متل الكلب وما بقى يلحق لشي
في سن الستين اصبح يعمل متل الحمار لانه اولادوا كتار وما عم يلحقلهم شغل وبدوا يجوزهم
في سن السبعين بعد ما تجوزوا اولادوا وخلفوا اولاد صار متل القرد الكبار والصغار ينطوطو على كتافه وينطوط عليهم ومن
واحد لواحد ومشاكلهم ما عم تخلص .
وهون جينا لعمر الثمانين وقت الانسان صار يندم وما عاد ينفع الندم صار متل الخنزير يلقط اكل من وين ما كان
ومن عند واحد لواحد حتى يطعموا لانه صار كبير وما عم يقدر يشتغل شي

فما بالك ايها الانسان
ليش ما رضيت بقسمة الخالق
بس متل مابيقولوا ما بيعبي عينوا الا كمشة تراب